智胜彩票

مادەني مۇرا قۇرىلىسىن جوندەۋ بارىسىندا قورعاۋ جانە مۇراگەرلىك ەتۋ جونىندە

  • كەلۋ قاينارى: ىلە گازەتى
  • 04:26:34 03/04/2020

    حوۋ ۋەيدۇڭ

    

    مادەني مۇرالاردىڭ قۇنى _ ونىڭ ادامزات وركەنيەتى تاريحي تاڭبالارىنىڭ زاتتىق ايعاعى بولعاندىعىندا، مادەني بايىرعى ەسكەرتكىشتەردى قورعاۋ، قالپىنا كەلتىرۋ _ وسى تاريحي تاڭبالاردىڭ ۋاقىت نەمەسە ادامدار جاعىنان ەسكىرۋىن جەڭىلدەتۋ نەمەسە ونى بەلگىلى دارەجەدە قالپىنا كەلتىرۋگە كۇش سالۋ بولىپ تابىلادى。

    مادەني مۇرا قۇرىلىستارىن جوندەۋدە عىلمي پوزيتسيا دا، گۋمانيتارلىق كوزقاراس تا قاجەت

    تاريحي، عىلمي، كوركەمونەرلىك جانە سەزىمدىك قۇنعا يە قۇرىلىستار جالپىلاي «مادەني مۇرا قۇرىلىستارى» دەپ تە اتالادى. وسى زامانعى قۇرىلىستارمەن سالىستىرعاندا مادەني مۇرا قۇرىلىستارىنىڭ تاريحى، ءتىپتى دە ۇزاق، ءدوپ كەلەر حاۋىپ – قاتەرى ءتىپتى دە كوپ، ءتىپتى دە زور. ءتۇرى، ءداۋىرى، دارەجەسى الۋان ءتۇرلى مادەني مۇرا قۇرىلىستارى قورعاۋ، جوندەۋ وبيەكتىسى ەتىلەدى، ولاردىڭ ءبارىنىڭ ۇقساماعان تاريحي ارتقى كورىنىسى بار. كەيبىرەۋلەرى ۇزاق جىلدار بويى جوندەلمەگەندىكتەن ءتۇرلى اقاۋلار ءتۇسىپ بۇلىنگەن. بۇلاردىڭ باسىم كوبى بۇتحانالار، جامبىلدار، بايىرعى قۇرىلىستار بولىپ، جاعدايلارى ۇقساپ كەتەدى. مىسالى، 2019 – جىلعى «مەملەكەتتىك بايىرعى جۇرتتاردى قورعاۋ ۇزدىك نىساندارىنداعى» قازىرگە دەيىن پايدالانىلىپ كەلە جاتقان تاياۋ زامانعى تۇرعىن ۇيلەردەن شاڭحاي ۋكاڭ كوشەسىندەگى تۇرعىندار تۇراعى مەن نانجيڭ - چاڭجياڭ كوپىرى بار. نانجيڭ چاڭجياڭ كوپىرىنەن سالىنعانىنان قازىرگە دەيىن كۇنىنە نەشە ون مىڭ اۆتوموبيل مەن پويەز قايشالىسىپ ءوتىپ جاتادى. مۇنان سىرت، توسىن جاراتىلىستىق اپات سالدارىنان دا مادەني مۇرا قۇرىلىستارى بۇلىنەدى. وسى مادەني مۇرالاردىڭ جالعاستى بۇلىنۋىنەن ساقتانۋ جانە مادەني مۇرالاردىڭ قۇنىن ساقتاۋ ءۇشىن ولاردى عىلمي، ۇيلەسىمدى قورعاۋ، جوندەۋ قاجەت.

    جۇرتشىلىقتىڭ مادەني مۇرالاردى قورعاۋ تانىمىنىڭ جوعارىلاۋى جانە وعان نازار اۋدارۋ ورەسىنىڭ ارتۋىنا ساي، مادەني مۇرالاردى قورعاپ قالۋ ءۇشىن جۇرگىزىلگەن جوندەۋدەن كەيىنگى ولاردىڭ ادامدارعا بەرەر اسەرى تالقى جانە تالاس – تارتىس تۋدىرۋدا. ەندەشە، قايتكەندە مادەني مۇرا قۇرىلىستارىن جوندەۋ ارقىلى قورعاۋعا جانە ۇرپاقتان ۇرپاققا جالعاستىرۋعا بولادى؟

    جوندەۋدەن ىلگەرى، ءسوزجوق، مادەني مۇرا قۇرىلىسى ورنىنا ارنايى بارىپ كوزدەن كەشىرۋ كەرەك。

    شانشي ولكەسى شۋو جوۋ وبلىسىنىڭ يىڭشيان دەگەن جەرىندەگى اعاش مۇنارا جۇڭگونىڭ ۋاكىلدىك سيپاتتى قۇرىلىسى، لياۋ پاتشالىعى چيڭنيڭنىڭ 2 – جىلى (1065 - جىلى) سالىنعان، بۇل مۇنارانىڭ جالپى بيىكتىگى 65。8 مەتر。 كەيىن كوپ رەت بەرىكتەۋ جانە جوندەۋ جۇرگىزىلگەن، الايدا قۇرىلىمىنىڭ سونداي – اق بۇرىنعى مەزگىلدەگى ورتانىڭ ىقپالىنان (سوعىستا زەڭبىرەكتىڭ اتقىلاۋى سياقتىلار) اعاش مۇنارادا قيسايۋ، شوگۋ سەبەبىنەن ءپىشىنى وزگەرۋ جانە اعاش بولشەكتەرىنىڭ ءبۇلىنۋى سياقتى ماسەلەلەر پايدا بولعان。 قازىر وسى ءبىر قايتالانباس ەجەلگى مۇنارانى قايتكەندە قورعاپ قالامىز دەگەن ماسەلە باستان – اياق قيىن ماسەلە بوپ وتىر。

جاۋاپتى رەداكتور: جازيرا بولاتباي قىزى
360彩票 新华彩票 内蒙古快3 欢乐赛车 美狮彩票