智胜彩票

شينجياڭدىق بوكسشى توقتاربەك تاڭاتقان ۇلى توكيو وليمپياداسىنا جولداما الدى

  • كەلۋ قاينارى: ىلە گازەتى
  • 03:28:33 09/05/2020

    

    شينجياڭ ۇيعۇر اۆتونوميالى رايونى التاي قالاسىنىڭ ازاماتى توقتاربەك تاڭاتقان ۇلى توكيو وليمپياداسىنا قاتىناسۋعا جولداما الدى. بۇل - شينجياڭ بوكىس كومانداسىنان وليمپيادا بوكس جارىسىنا قاتىناسۋ تولىمدىلىعىنا قول جەتكىزگەن بەسىنشى سپورتشى، سونىمەن بىرگە شينجياڭدىق بوكس شەبەرى قاتىناساتىن 5 – كەزەكتەگى رەسمي وليمپيادا جارىسى.

    2020 – جىلعى توكيو وليمپيادا سپورت جارىسىنىڭ بوكس تۇرىنەن ازيا - وكەانيا رايونىنداعى تولىمدىلىق جارىسى 3 – ايدىڭ 3 – كۇنىنەن 11 – كۇنىنە دەيىن يوردانيانىڭ انمان قالاسىندا وتكىزىلدى. جالپى 35 مەملەكەت جانە رايوننان كەلگەن 221 سپورتشى وليمپياداعا جولداما الاتىن 63 سانعا تالاستى. جۇڭگو بوكس كومانداسى 8 ەر جانە 5 ايەل سپورتشى جىبەرىپ جارىسقا قاتىناستىردى. مۇندا شينجياڭ بوكىس كومانداسىنداسىنىڭ 69 كيلوگرام سالماقتاعى ماماتتۇرسىن چوڭ مەن 75 كيلوگرام سالماقتاعى توقتاربەك تاڭقاتقان ۇلى جانە 91 كيلوگرامنان جوعارى سالماقتاعى احمەت مامەت قاتارلى بوكىس شەبەرلەرى دە بار.

    وسى رەتكى جارىستا 151 ەر سپورتشى 8 دارەجە بويىنشا، 70 ايەل سپورتشى 5 دارەجە بويىنشا باق سىناۋعا قاتىناستى. قاعيدا بويىنشا وسى رەتكى وليمپياداعا جولداما الۋ جارىسىندا ەرلەردەن جالپى 41 ادام، ايەلدەردەن جالپى 22 ادام توكيو وليمپياداسىنا قاتىناسۋ تولىمدىلىعىن الۋى كەرەك – تى.

    وسى رەتكى جارىسقا تولىق دايىندالۋ ءۇشىن، جۇڭگو بوكس كومانداسى اممان قالاسىندا ءبىر ايعا جۋىق جابىق جاتتىعۋ جاساپ، سپورتشىلار جارىسقا تولىق دايىنالدى. جۇڭگو بوكس كومانداسى كەزەكتە توكيو وليمپياداسىنا قاتىناسۋدىڭ 6 جولداماسىن جەڭىپ الدى، توكيو وليمپياداسىنىڭ تولىمدىلىق جارىسىنا قول جەتكىزگەندەردەن ايەلدەردىڭ 75 كيلوگرامدىق سالماعىندا لي چيڭ، ايەلدەردىڭ 69 كيلوگرامدىق سالماعىندا گۋ حۇڭ، ايەلدەردىڭ 51 كيلوگرامدىق سالماعىندا چاڭ يۋان، ەرلەردىڭ 75 كيلوگرامدىق سالماعىندا توقتاربەك تاڭاتقان ۇلى، ەرلەردىڭ 81 كيلوگرامدىق سالماعىندا چىن داياڭ، ەرلەردىڭ 52 كيلوگرامدىق سالماعىندا حۋ جيانگۋان بار.

    توقتاربەك تاڭاتقان ۇلىنىڭ جارىسقا جولداما الۋ جولى ءساتتى بولدى. 16 مىقتىنىڭ شەشۋشى دوداسىندا ول 5:0 ۇپايمەن پالەستين شەبەرىن جەڭدى، 8 ەگەي دوداسىندا تايلاند شەبەرىن سۇلاتتى. 4 ەگەي دوداسىندا توقتاربەك تاڭاتقان ۇلى يراندىق بوكسشىنى 3:2 ۇپايمەن جەڭىپ، 4 مىقتىنىڭ قاتارىنان ورىن الىپ، 2020 - جىلعى توكيو وليمپيادا سپورت جارىسىنا قاتىناسۋعا جولداما الدى. ول بىلتىرعى بالۋان رۇڭ نيڭنيڭنان كەيىنگى شينجياڭدا توكيو وليمپيادا سپورت جارىسىنا قاتىناسۋ تولىمدىلىعىن العان ەكىنشى سپورتشى.

جاۋاپتى رەداكتور: جازيرا بولاتباي قىزى
新浪彩票 澳彩网彩票注册 360彩票 猎豹彩票 优优彩票官网