智胜彩票

كەيبىرەۋدىڭ ادامگەرشىلىگى 10 يۋان ارقىلى دا اڭعارىلادى

  • كەلۋ قاينارى: ىلە گازەتى
  • 06:27:43 12/07/2020

    1

    نەشە كۇننىڭ الدى ەدى، جۇمىستان تۇسەردە ءبىر كاسىپتەسىم ءۇنحاتىنا 10 يۋان اقشا جولداپ قويۋىمدى وتىنگەن ەكەن، ەرەن بازاردان ۇساق - تۇيەك بىردەمە الماق بولسا، قولفونىنا ساقتاعان مايدا اقشاسى تاۋسىلىپتى。 سول تۇستا باسقالاي ويدا بولمادىم، تەك ءوتىنىشىن ورىنداپ، 10 يۋان اقشا جولداپ قويدىم。

    الايدا ارتىنان الگى 10 يۋان اقشادان ۇشتى - كۇيدى حابار بولمادى، كاسىپتەسىمە كۇندە كەزىگەمىن، جارقىلداي امانداسىپ، بايەك بولادى دا جاتادى، ءبىراق اقشا تۋرالى ءتىس جارىپ، ءتىل قاتپايدى، بەينە، مەنەن اقشا الماعان ادام ءتارىزدى.

    10 يۋان عانا اقشا عوي، قويشى، وسىنىڭ موينىندا كەتە بەرسىن، ـ دەپ ويلادىم 10 يۋان اقشانى سۇراپ الۋدان ۇيالعان مەن.

    كەيىن كەلە باسقا كاسىپتەستەرمەن كەڭەس بارىسىندا الگى 10 يۋان اقشانىڭ ءىسىن ايتىپ قالعانىم بار。 كاسىپتەستەرىم تۇگەل: «اپىراۋ، سەن ەندى ءبىلىپ وتىرسىڭ با؟» ـ دەگەن بەينەدە اڭتارىلا قارادى。 سويتسەم، باسقالاردان اقشا قارىز الىپ، سوڭىنان سۋ اياعى قۇردىمعا جىبەرىپ، بەرمەي كەتۋ بۇل كاسىپتەسىمىزدىڭ كادۋەلگى ادەتى ەكەن。

    _ سەندەر دە مەن سياقتى اقشالارىڭدى قايتارىپ الا الماساڭدار، قولدى ءبىر سىلتەپ قانا ۇندەمەي كەتە بەرەسىڭدەر مە؟ ـ دەپ سۇرادىم ولاردان.

    _ ودان باسقا نە امال بار، تىم قوماقتى اقشا دا ەمەس بولعان سوڭ، قۇتقۋىرلاپ سۇراۋدان ۇيالامىز。 «ازىراق اقشا جۇمساپ بىرەۋدىڭ كىسىلىگى قانشالىق ەكەنىن ءبىلىپ الدىق، بۇل ىستەن زيان شەككەمىز جوق» دەپ ءوزىمىزدى ءوزىمىز جۇباتامىز دا، - دەيدى ولار لاجىسىز كىسىنىڭ كەيپىندە。

    نە ءبارى 10 يۋان عانا اقشا، الايدا وسى 10 يۋان اقشا ءۇشىن الگى كاسىپتەسىم مەنىڭ نازارىمدا ادامگەرشىلىكتەن جۇگەن ۇستاعان، توتەنشە سەنىمسىز بىرەۋگە اينالدى دا قالدى. ەگەر مەن بولسام، وسى 10 يۋان اقشاعا قىزىعىپ، ادامگەرشىلىگىمە داق تۇسىرۋگە مۇلدە باسپاس ەدىم. ويلاڭىزشى، ازىراق پايدا ءۇشىن سەنىمدىلىكتەن جۇرداي بولۋدان ۇلكەن زيان بولماس - اۋ، ءسىرا!

جاۋاپتى رەداكتور: جازيرا بولاتباي قىزى
华阳彩票 山东群英会 全中彩票 内蒙古快3计划 中兴彩票