智胜彩票

قاي ساتتەگى ماراپات ەڭ ماڭىزدى

  • كەلۋ قاينارى: ىلە گازەتى
  • 06:28:40 12/07/2020

    شىن يۋەميڭ

    

    تۇڭعىش كەزەكتى ورمان ءان بايقاۋى وتكىزىلەتىن بولىپتى. بايقاۋدا سۇبەلى ناتيجەگە قول جەتكىزۋدى كوزدەگەن قارعا ەلدىڭ الدىمەن قامدانىپ، ايلانا جار سالىپ، توڭىرەكتەگى قۇستارعا ءوزىنىڭ قانشالىق ءانشى ەكەندىگىن، ءاندى قالاي - قالاي ناشىنا كەلتىرە شىرقايتىندىعىن ايتىپ ءبوسىپتى. مىنە، وسىلايشا، قارعانىڭ انشىلىك شەبەرلىگى تۋرالى حابار ورمان اراسىنا لەزدە تاراپ، وسىندا قارعا سىندى داڭسالى ءانشى بارلىعىنان ورمانداعى قۇس اتاۋلى تۇگەل قۇلاقتانىپتى. جارىس ءالى باستالماي جاتىپ - اق قارعا «ءان شولپانىنا» اينالىپ ۇلگىرىپتى.

    ال سارعالداق مۇنىڭ مۇلدە كەرىسىنشە ورماننىڭ ىشىندەگى ءبىر تۇكپىردە وزىمەن ءوزى ابىگەر بولىپ، ءان جارىسىنا دايىندالىپ، جاپالى جاتتىعۋ جاساپتى. كوپشىلىك سارعالداقتى بۇرىننان بىلسە دە، ونىڭ ءان شىرقاي الاتىنىن ەشكىم بىلمەيدى ەكەن.

    ءان جارىسى باستالىپتى. قارعا ساحناعا كوتەرىلگەن ساتتە تومەندە وتىرعان كورەرمەندەر شاتىرلاتا شاپالاق سوعىپ، سالتانات ءۇنى بۇكىل اسپان اياسىن كەرنەپتى. قۋانىشقا قارىق بولعان جۇرت لەپىرگەن كوڭىلدەرىن باسا الماي: «حالايىق، كوردىڭىزدەر مە؟ مىنە، مىناۋ ءوزىمىز كوپتەن كۇتكەن ءان شولپانى قارعا ەمەس پە! نۇرلى ديدارىن كورۋدىڭ، اسەم اندەرىنەن ءلاززات الۋدىڭ ءمورتى بۇگىن كەلگەن ەكەن، قۇلاق قۇرىشىن قاندىرار قۇيقىلجىعان ءان اۋەنىنە بالقىپ، جان راقاتىنا شومبايمىز با!»، ـ دەسەدى جۇرت داۋرىعىسىپ.

    تولقىعان جۇرتتىڭ ماداق، ماراپات سوزدەرى باسىلىپ، كوڭىلدەرى دە ساباسىنا ءتۇستى - اۋ دەگەن ساتتە قارعا ءانىن باستايدى. الايدا ءان اياقتاعان سوڭ، جارىس الاڭى جىم - جىرت، ەشكىم ءتىس جارىپ، ءتىل قاتپايدى. قارعا كوپشىلىككە راقىمەت ايتىپ، ساحنادان تۇسكەندە دە، شاپالاق سوعىپ، قوشامەت كورسەتكەن جان بالاسى كورىنبەيدى.

    وسىدان كەيىنگى كەزەك سارعالداقتىكى ەدى。 ونىڭ ساحناعا كوتەرىلۋى كوپ كىسىنىڭ نازارىن اۋدارا قويمايدى。 ءبىراق العاشقى ءانىن ورىنداپ اياقتاتىسىمەن، ونىڭ ونەرىنە ريزا بولعان كوپشىلىكتىڭ شاپالاق ءۇنى، ماراپات داۋىسى بۇكىل الاڭدى ءزىل - زالا ەتىپ، اسپان اياسىن كەرنەپ كەتەدى。 ەڭ سوڭعى جەڭىس سارعالداقتىكى بولادى。

    بۇعان ناۋمەزدەنە قالعان قارعا جارىستى جۇرگىزۋگە جاۋاپتى بولعان تاۋىس بيكەشتى ىزدەپ بارىپ، سەبەبىن سۇرايدى: «ماعان دەگەن كورەرمەننىڭ شاپالاق داۋىسى دا، ماراپات ءۇنى دە سارعالداقتىكىنەن الدەقايدا باسىم بولعان ەدى عوي، سوڭعى ەسەپتە نەلىكتەن جاقسى ناتيجەگە يە بولا الماي قالدىم؟»، ـ دەيدى ول。 سوندا تاۋىس بيكەش: «ساعان ارنالعان القاۋلار مەن ماراپات ءۇنى، شاپالاق داۋىسى سەن ساحناعا ەندى شىققاندا بەرىلدى عوي دەيمىن، ال سارعالداققا ارنالعان شاپالاق ول ساحنادان تۇسەر كەزدە سوعىلدى。 ادەتتەگى جاعدايدا اياقتالعان ساتتە قول جەتكىزگەن شاپالاق داۋىسى باستالۋ الدىنداعى ماراپات ۇنىنە قاراعاندا الدەقايدا ماڭىزدى بولادى»، ـ دەدى。

  

جاۋاپتى رەداكتور: جازيرا بولاتباي قىزى
彩尊彩票 网易彩票 贵州快3 彩尊彩票 闲来麻将